Concello de Ames

Somos ames

Os cativos tamén teñen tempo para facer xogos populares e tradicionais

Uns 242 nenos e nenas participan nas actividades de Escola de Verán

[02/07/2009] A Concellaría de Educación puxo en marcha un ano máis a Escola de Verán, un xeito lúdico e educativo de pasar as vacacións. Este servizo permite a conciliación da vida familiar e laboral e está destinado a nenos e nenas de segundo ciclo de infantil e educación primaria. Esta edición desenvolverase durante os meses de xullo e agosto en Bertamiráns e no Milladoiro, de luns a venres, excepto festivos, en horario de 7:30 a 16:00 horas. O programa ofrece servizos de comedor con almorzo e xantar.

Mozos e mozas poderán practicar a Batuka Aerobic

Amplíase o prazo para apuntarse nas actividades do programa Verán Activo

[02/07/2009] O prazo para inscribirse nas actividades que ofrece o programa Verán Activo, dirixido a mozos e mozas de entre 13 e 17 anos, amplíase ata o 8 de xuño por non estar cubertas as prazas que se precisan para levar a cabo as actividades colectivas previstas. Deportes, cursos de informática e obradoiros son algunhas das alternativas das que disporá a mocidade amiense para entreterse nos meses de xullo e agosto cunha oferta que mestura diversión con formación. En total haberá 23 actividades que se desenvolverán nas casas de cultura e nos pavillóns polideportivos de Bertamiráns e do Milladoiro.

Pódense ver diferentes elementos de filmes como A Guerra das Galaxias

O Pazo da Peregrina acolle a exposición Rodando, un percorrido pola historia do cine

[02/07/2009] Carlos Velo, Chano Piñeiro, Xabier Villavarde, Fernando Rei, Luis Tosar… o cine galego estará presente dende onte e ata o día 10 de xullo no Pazo da Peregrina. A exposición Rodando, un percorrido pola historia do cine, organizada pola Deputación da Coruña, mostrará os pasos e as curiosidades da evolución do cine. Dende os seus comezos ata a actualidade. Todos os amantes do cine teñen una cita no Pazo da Peregrina.

Nenos e maiores gozaron cos inchables...

Arredor de 1.500 persoas participaron nas actividades do programa de animación do comercio na rúa

[01/07/2009] O programa de animación do comercio na rúa saldouse cun resultado moi positivo. Preto de 1.500 persoas participaron nas actividades desenvolvidas durante os meses de maio e xuño que puxo en marcha a Concellaría de Promoción Económica co fin de fomentar e promover o tecido comercial do Concello de Ames. As prazas de Chavián, en Bertamiráns, e a de Manuel Murguía, no Milladoiro, foron os puntos onde se centralizaron as actividades.